عزاه

عزاه ياقلبٍ همومه تحداه
يسهر طوال الليل بسباب غالي

وجدي على اللي تتعب القلب فرقاه
الصاحب اللي كل وقت صفالي

الوافي بفعله وقوله وملفاه
المخلص بقلبه ليا من عنالي

ذكراه ماغابت عن العين ذكراه
والله ماغيره بقلبي طرالي

مشاعري في حزة الضيق تنصاه
ان ضاقت الدنيا وجوده هنالي

هو الوحيد اللي خفوقي تمناه
افرح اذا شفته من اللهم خالي

ان غاب عني داخل العين القاه
لمن حضر تنور جميع الليالي

والله ماغابت بعيني حلاياه
من شوفته قلبي عن البيض سالي

سبحان ربٍ كمله يوم سواه
مزيون هادي بالمحبه مثالي

يفز قلبي كل ماحل طرياه
ماشفت مثله بالخلايق وفالي

لي هامةٍ في حزة الجد تفداه
ويبقى مكانه داخل القلب عالي