الأشواق

البارحة من زود الأشواق فزيت
و أضحى لهيب الشوق قافٍ و موزون

عنّت بي الذكرى لياليك و أفضيت
عن حبك اللي داخل القلب مدفون

حبك نهب روحي ولو اني أخطيت
لابد لك تقرا الغـلا وسط العيون

انت الفريد اللي لقربه تمنيـت
ما شفت مثلك في الغنادير مزيون

ريـمٍ تحـلا بالحسن ذايع الصيت
عن جملة أصناف المزايين والدون

انت الغـلا بك انتشـى يوم حبيت
لك قلتها والناس يا ليت يدرون

ماهو جفـا يومي عن الوصل صديت
قلت الغلط وارد والأشراف يعفون
صوّت وتلقاني على دعاك لبيت
كل الجوارح بالجسم لك يلبون

مد الأيادي .. دامي للإيـد مديت
ودام الحشا ضميان ووصالك مزون