اختفى الصبح

يوم اختفى الصبح في عتم المسا ونزاح
و سلهم الليل واقبل هاجس همومه
 
الله وكيلك ماغير اقلب المسباح
وقول ياالليل شخباره وشعلومه
 
ياليل انا حالتي دونه بلا افراح
ماغاب عن خاطري ولاغابت حلومه
 
الظاهر اني بخير وطيبن مرتاح
والخافي اعظم .. سهر واهات مكتومه
 
حبه نهب خافقي لين الغلا قد لاح
فيه السنع والدلع اوصاف معلومه
 
هو بسمة النور لا منه شرق بصباح
هو قبلة الليل منه تهتدي نجومه
 
هو نشوة العطر لا مر النسيم وفاح
هو بشرة المزن يحيي نفس محرومه
 
ماهديت له الروح .. غير ارخصت له أرواح
يومه نهب من عليه الخطوه مزحومه
 
البعد سيفٍ مجرب والجفا أرماح
والشوق هم ٍ يخلي النفس مرحومه
 
متى يجود الزمن والقلب ذا يرتاح
وترتاح عين اتحرى رجوه قدومه