يهل
الغيث
يهل الغيث وسمي من مخيلي وأبدع القيفان
سحايب شعر معترضه بوسط الفكر مدراره
تحايا صغتها من ضامري تهدى لبوسلمان
مليكٍ طيبته مزنٍ همل وانهلت امطاره
الا ياسيدي يومك تبارك يارفيع الشان
سطى نورك مابين الخلق شعت تاضي انواره
تباشير السعد لاحت وغنى القلب لك نشوان
غديت انته بوسطه ساكنٍ والغير زواره
مزايا شخصك النادر تزيد ولا بها نقصان
ذهلت العالم بنهجك جعلت الدنيا محتاره
أيا سبحان من خله جلالك للعطا عنوان
حكيم الراي عند الضيق نشري بالدما اشواره
مليك المجد زاكي الجد حرٍ من نسل ويلان
كريمٍ مجلسه عامر ولا هو رد خطاره
شطير السيف راعي نصيف لامن ثارت التفجان
خليفي قايدٍ ضرغام ابد ما تجمح امهاره
كساه الله ثوبٍ قد زهى بالعلم والإيمان
انا أشهد هي تدرس بالمدارس حنكة افكاره
يشوق الكيف فعلٍ من قديم الوقت لين الآن
فعل نسل الخليفه يا مليكٍ حامي أسواره
فعل منهم غدوا اسد الشرى لاشانت العدوان
صناديد الوغا هم لابتي اسيوف بتاره
يدور الوقت وتزين الليالي والوطن منصان
مدام انه تحت ظلك فهو للمجد مسياره
تباهى يا ملك دامك حضنت اطيافٍ وأديان
تعيش الخلق في البحرين جار ٍ يحتضن جاره
دعيت الله عسى عمرك طويل و منزلك لاهان
ويبقى اسمك الغالي على صرح العطا شاره
