هل الطولات

يا سعد دن امبهرات الفناجيل
فنجالٍ اشقر يطرب البال والكيف

ما دامها اجتمعت شمام الرجاجيل
دق النجر في جمعةٍ مابها حيف

ارجال في يوم الملاقا مشاكيل
ترقى علوم المرجله وتكرم الضيف

ربعي هل الطولات يوم المحاصيل
يوم الرمك عجعج ابوجه الملاقيف

من احمد الفاتح زبون الحلاحيل
اللي فتح هالدار بالدرع والسيف

الى عهد زبن العطا حاكم الجيل
حمد حمد ماصار مثله ولا شيف

ميتين عام من الرخا والمواصيل
وخمس وعشرينٍ اتريح السراجيف

ومنها بيمتد الصخا والهلاهيل
في عز ربعي كاملين التواصيف

شيوخ نروي خصمنا بالبهاديل
وانثور الهيجا وتقوم العواصيف

ولا الرخا نسكت على كل ماقيل
ونخفف الهجا اذا احتاج تخفيف

ندري الشجاعه عقل ماهي مواويل
ونكظم غضبنا ولا نعرف التحاسيف

يا سعد بهر دلتك وكثر الهيل
وعطني علومٍ للعرب ما بها حيف

يا سعد قم وخل عنك التهاويل
قم زيّد من البن خل يطرب الكيف