كل عام

في كل عامٍ يبتدي توّه جديد
لك تنولد جملة مشاعر جديده
 
العشق لك وهاج وشوقي لك يزيد
وزودٍ على شوقـي جمالك يزيده
 
يوم الوفا غنـى على حبك يشيد
يا للي بوسط القلب حبك يشيده
 
ادري بإني في حنايك الوحيد
وتدرين بإنك في فؤادي وحيدة
 
غنيت لك من خاطري عذب القصيد
دام المعاني فيك أعذب قصيدة
 
يا آيـةٍ بالزين والحسن الفريد
ياروعة الخلاق .. دانة فريـدة
 
يا درةٍ تسمـو على نايد الغيـد
لا لك صلة بالأرض ولا لك بغيده
 
أنتي سفـيرة حور الاكوان اكيـد
لك قلتهـا يوم المشاعر اكيده