ليل و قمر
 

القمر كوكب يزين إبه الفضا
وش حـلاه الليـل من دون القمر؟

والوفــا اسمى مفاهيم العطـا
لا ارتوى بالود .. ينبت لك ثمـر

والـتلاقي من عقب زود البطـا
يطفي بقـلبي تسـاعير الجمر

وأنت ياللي ما ستـر زينك غطـا
فدوتك روحـي وتـامرها أمر

من غـلاك القلب به جمرة غضـا
شوف جسمي من غـلا حبـك ضمر

في مفالي القلب ماغيرك وطـا

يا شبيه اغزيّلٍ قـاع العَمر*

يا ثقـيلٍ مشيته مشي القطـا
قايدٍ والخـود من خلفه زمر

هاك روحي والغـلا لا تشرطـا
قد تـوثق لك على طول العمر

 

____________________

العَمر : منطقه برية في مملكة البحرين