مصيافها

 

مصيافها ما بين لندن وليون
والموطن الأصلي هنا بين الأضلاع

غلاها اغلى من غلا نور العيون
واغلا من علوم المطر كل مانذاع

عشقي لها يا صاحبي عشق مجنون
عشقت فيها زينها وزين الأطباع

اليا انثرت جديلها فوق المتون
مثل المزون اليا تناثر على القاع

بعيونها سيوف وتعابير وفنون
وان قلت عينك ناعسه قالت اوساع

والخصر كنه حرف مرسوم بالنون
من لامني فيها اذا صرت طماع

بنت الرجال اللي لها درع وحصون
صغيرهم في قسوة الوقت فزاع

كسابة الناموس والناس يدرون
انا شهد المرجله صيت وانواع

معشوقتي يا فتنة اللي يقولون
تاتي وتفز الروح والعين بجماع

احبك وحبي بلا كيف وشلون
يكفي تعرف ان لك مكانه ومرباع

مفتون في حبك لو ابطيت مفتون
وتبقا قلوب اللي يحسدون تلتاع